| ოფიციანტმა ჰაიდი ეგენმა, რომელიც ორი წვეთი წყალივით ჰგავს ჰერცოგინიას, თავი ანება სამსახურს და ამიერიდან სურს მთელი ცხოვრება ქეითის სტილის კოპირებას მოახმაროს. ამისათვის მან უკვე მოიმარაგა სხვადასხვა ზომის ყალბი „ფეხმძიმობის მუცლები“. „ქეითს გაეზრდება მუცელი და მეც გავიზრდი. მე ზუსტად უნდა შევინარჩუნო მასთან გარეგნული მსგავსება. ჯერ ქეითს არცთუ დიდი მუცელი აქვს და ძნელად გამოსათვლელია, კიდევ რამდენად გაეზრდება. ამიტომ მე სხვადასხვა ზომის „მუცლები“ დავაგროვე“ - გულახდილობს ორი შვილის დედა, 32 წლის ჰაიდი ეგენი. ჰაიდის, ჰერცოგინიასთან უჩვეულო მსგავსების შესახებ, თავიდან მისი რესტორნის სტუმრები ეუბნებოდნენ ხოლმე. მას შემდეგ ქეითის ორეული ეძებს გზებსა და საშუალებებს, რათა ამ მსგავსებამ ქათინაურებთან ერთად მატერიალური პირობების გაუმჯობესებაშიც შეუწყოს ხელი. | 
