|
არაბებთან მებრძოლი ასტურიის მეფე ალფონსო II უბიწო
ალფონსო II უბიწო (ესპ. Alfonso II el Casto) (დ. 759 — გ. 20 მარტი, 842) — ასტურიის მეფე 792—842 წლებში ფრუელა I–ის ვაჟი.
ალფონსს ამგვარი მეტსახელი ქორწინებამდე უბიწო ცხოვრების გამო ერგო. იგი გულადი მეომარი და ღვთისმოსავი კაცი იყო. მისი მოღვაწეობა ესპანეთისთვის იმდენად მნიშვნელოვანია, რომ მას შეიძლება ასტურიის სამეფოს ნამდვილი დამაარსებელი ვუწოდოთ. ქრისტიანული მატიანეები გვამცნობენ ალფონსოს მრავალი ლაშქრობების შესახებ არაბების წინააღმდეგ. მან გაიმარჯვა ლუგოსთან ბრძოლაში და მუსულმანებს მთელი გალისია და დასავლეთ ზღვისპირეთი ტახოს შესართავამდე წაართვა. მან ბოლო მოუღო შეგუების პოლიტიკას, რომელსაც მისი წინამორბედები მისდევდნენ და ესპანელებში გააღვივა რელიგიური სულისკვეთება, რომელიც არ ჩამქრალა მრავალი საუკუნის მაძილზე. |
|
