საიტ “grani.ru”-ს ცნობით, რუსეთის ქალაქ კისლოვოდსკის სამედიცინო კოლეჯის სტუდენტები გარიცხეს ქუჩაში ”ლეკურის” ცეკვისთვის. ამის შესახებ იტყობინება სტავროპოლის სამხარეო შინაგან საქმეთა სამინისტრო, სადაც სტუდენტთა ზემოაღწერილ მოქმედებას მიიჩნევენ ”კანონსაწინააღმდეგოდ”. ინციდენტი გასულ თვეში მოხდა - პოლიციელებმა დააკავეს ახალგაზრდები და წაიყვანეს განყოფილებაში, ვითარების გამოსარკვევად. ”ლეკურის” მოცეკვავენი სამედიცინო კოლეჯის სტუდენტები აღმოჩნდნენ. ყველა მათგანი დაჯარიმდა. სამედიცინო კოლეჯს გაეგზავნა წერილი: ” მსგავსი საქციელის მიუღებლობის შესახებ სტუდენტთა მხრიდან”. 30 ოქტომბრიდან 13 ნოემბრის ჩათვლით ყველა სტუდენტი გაირიცხა. | 
