| ღირსი არსენი შრომისმოყვარე, რომლის ხსენებაც აღესრულება 21 მაისს, ცხოვრობდა XIV საუკუნეში. ამ წმინდა მამას „შრომისმოყვარე“ ეწოდა იმიტომ, რომ კიევის ღვთისმშობლის მიძინების ტაძრის გამოქვაბულებში მოღვაწეობის ჟამს მან არ იცოდა რა იყო დასვენება, არავის უხილავს იგი საქმის გარეშე. ის ყოველთვის რაღაცას აკეთებდა: ან ლოცულობდა, ან მონასტრის მორჩილებას ასრულებდა - და მზის ჩასვლამდე არასოდეს იხმევდა საკვებს. თავისი მორჩილებისა და შრომისმოყვარეობისათვის სიცოცხლეშივე მიიღო ჯილდო უფლისაგან - სასწაულთქმედების ნიჭი. გარდაცვალების შემდეგ სული მისი ამაღლდა ზეცად, ხოლო სხეული უხრწნელად სუფევს გამოქვაბულში. |
