| უფლისწული დიმიტრი დაიბადა 1582 წლის 19 ოქტომბერს . ბოიარ ბორის გოდუნოვის ფაქტიური მმართველობის დროს უფლისწული დიმიტრი დედასთან, მარია ფეოდოროვნასთან ერთად განტევებული იყო სასახლიდან ქალაქ უგლიჩში. რუსეთის ტახტის კანონიერი მემკვიდრის გზიდან ჩამოსაცილებლად ბორის გოდუნოვი ხმარობდა ყველა ძალას. თავდაპირველად ხმა დააგდო მისი უკანონობის შესახებ, შემდეგ მამის მკაცრი ხასიათს აყვედრიდა. ბოლოს მისი ფიზიკური მოსპობა გადაწყვიტა - ჯერ მოწამვლა სცადა, მაგრამ ვერ ავნო უფლისწულს. ბოლოს 1591 წლის 15 მაისს, სეირნობისას მკვლელებმა - ოსიპ ვოლხვოვმა, დანილო ბიტიაგოვსკიმ და ნიკიტა კაჩალოვმა მხეცურად მოკლეს უფლისწული. უფლისწული დაკრძალეს უგლიჩში, სასახლის უფლის ფერისცვალების ტაძარში. მრავალრიცხოვანი სასწაული და კურნება მოხდა საფლავთან, განსაკუთრებით თვალების სნეულებებით დაავადებულთა. 1606 წლის 3 ივლისს შედგა უხრწნელი წმიდა ნაწილების აღმოყვანება. |
